ఆన్‌లైన్ డిగ్రీ విధివిధానాలు, ప్రయోజనాలు...

ఆన్‌లైన్ డిగ్రీ విధివిధానాలు, ప్రయోజనాలు...

కేంద్ర మానవ వనరుల అభివృద్ధి (హెచ్‌ఆర్‌డీ) మంత్రిత్వ శాఖ నాన్ టెక్నికల్ సబ్జెక్టులకు సంబంధించి ఆన్‌లైన్ డిగ్రీ కోర్సులను ప్రవేశపెట్టేందుకు కసరత్తు చేస్తోంది. ఈ ప్రతిపాదనలు కార్యరూపం దాల్చితే యూనివర్సిటీ గ్రాంట్స్ కమిషన్ ఆధ్వర్యంలో మరో నెల రోజుల్లోనే నూతన విధానాలు రూపొందే అవకాశముంది. ఈ నేపథ్యంలో ప్రతిపాదిత ఆన్‌లైన్ డిగ్రీ విధివిధానాలు, ప్రయోజనాలు, ప్రతికూలత ఉన్నత విద్యకు సంబంధించి స్థూల నమోదు నిష్పత్తి (జీఈఆర్) 20 నుంచి 25 శాతం మధ్యలో ఉంటోంది. దూరవిద్య నమోదు నిష్పత్తి 11.45 శాతంగా ఉంది. ఆర్ట్స్, హ్యుమానిటీస్ వంటి కోర్సులో (యూజీ లెవల్) నమోదు నిష్పత్తి 38 శాతం కాగా, కామర్స్ కోర్సుల్లో ఇది అత్యల్పంగా 14.1 శాతంగా ఉంది. ఈ వివరాలన్నీ ఉన్నత విద్య నమోదు కోణంలో ఆలిండియా సర్వే ఆన్ హయ్యర్ ఎడ్యుకేషన్ (ఏఐఎస్‌హెచ్‌ఈ)లో వెల్లడయ్యాయి. దీంతో హెచ్‌ఆర్‌డీ మంత్రిత్వ శాఖ ఉన్నత విద్యా నమోదు నిష్పత్తిని పెంచే లక్ష్యంతో ఆన్‌లైన్ డిగ్రీ కోర్సులు ప్రవేశపెట్టాలని చూస్తోంది. తద్వారా 18 నుంచి 23 ఏళ్ల విద్యార్థులు కాలేజీకి వెళ్లకుండానే ఉన్నత విద్య అభ్యసిస్తారని భావిస్తోంది. ఆన్‌లైన్ డిగ్రీ?ఈ విధానంలో డిగ్రీ కోర్సులు పూర్తిగా ఆన్‌లైన్ విధానంలో అమలవుతాయి. నమోదు, మూల్యాంకనం, సర్టిఫికెట్ల ప్రదానం వంటివన్నీ ఆన్‌లైన్‌లో ద్వారానే జరుగుతాయి. ఈ విధానంలో విద్యార్థులు వ్యక్తిగతంగా తరగతులకు హాజరు కావాల్సిన అవసరం ఉండదు. కోర్సును అందిస్తున్న యూనివర్సిటీ వెబ్‌సైట్‌లో పొందుపర్చిన ఆన్‌లైన్ టూల్స్ సహాయంతో కోర్సును అభ్యసించొచ్చు. అంతా ఆన్‌లైన్లోనే.. ప్రస్తుతం దేశంలో రెగ్యులర్‌గా కాలేజీకి వెళ్లి ఉన్నత విద్యను అభ్యసించలేని వారి కోసం దూర విద్య, ఓపెన్ యూనివర్సిటీ కోర్సులు అందుబాటులో ఉన్నాయి. అయితే ఆన్‌లైన్ డిగ్రీ కోర్సులు వీటికి పూర్తి భిన్నంగా ఉంటాయి. పై రెండు విద్యా విధానాల్లో ప్రతి విద్యా సంవత్సరం నిర్ణీత కాలంలో విద్యార్థులు తరగతులకు హాజరు కావాల్సి ఉంటుంది. అయితే ఆన్‌లైన్ డిగ్రీ కోర్సుల్లో ‘ఫిజికల్ తరగతుల నిర్వహణ’ ప్రసక్తే ఉండదు. కోర్సు మొత్తం ఆన్‌లైన్లోనే పూర్తవుతుంది. తొలుత న్యాక్ ఎ+, ఏ గ్రేడ్ వర్సిటీల్లో ..ప్రాక్టికల్స్ తప్పనిసరైన టెక్నికల్, మెడికల్ తదితర కోర్సులు మినహా.. మిగిలిన అన్ని విభాగాల్లో ఆన్‌లైన్ డిగ్రీ కోర్సులు ప్రవేశపెట్టే అవకాశముంది. వీటిని ముందుగా న్యాక్ ఎ+, ఏ గ్రేడ్ యూనివర్సిటీల్లో అందుబాటులోకి తేవాలని ఆలోచిస్తున్నారు. ప్రస్తుత న్యాక్ గ్రేడ్‌లు-యూనివర్సిటీలను పరిగణనలోకి తీసుకుంటే 15 శాతం యూనివర్సిటీల్లో ఆన్‌లైన్ డిగ్రీ కోర్సులు అందుబాటులోకి వచ్చే అవకాశం ఉంది. వర్కింగ్ ఎగ్జిక్యూటివ్స్‌కు ప్రయోజనం : ఇంటర్ తర్వాత చదువు ఆపేసిన వారితో పాటు వివిధ కారణాల వల్ల ప్రత్యక్షంగా ఉన్నతవిద్యను అభ్యసించలేని వారికి కూడా ఆన్‌లైన్ డిగ్రీ కోర్సుల వల్ల ప్రయోజనం ఉంటుంది. ఇలాంటి అభ్యర్థులు తమ విద్యార్హతలను పెంచుకుని.. కెరీర్ పరంగా ముందడుగు వేసేందుకు అవకాశముంటుంది. ఫిబ్రవరి చివరకు తుది రూపం : ఆన్‌లైన్ డిగ్రీ కోర్సుల స్వరూపం, వాటి నిర్వహణకు యూనివర్సిటీలు అనుసరించాల్సిన విధానాలు, సిలబస్, మూల్యాంకనం తదితర అంశాలపై ఫిబ్రవరి చివరినాటికి తుది రూపం వచ్చే అవకాశముంది. వీటిపై యూజీసీ పరిధిలో నిపుణుల కమిటీ కసరత్తు చేస్తోంది. అదే విధంగా ఔత్సాహిక అభ్యర్థులకు జీమ్యాట్, జీఆర్‌ఈ తరహాలో ఆన్‌లైన్‌లోనే ప్రవేశ పరీక్ష నిర్వహించి.. అందులో ప్రతిభ ఆధారంగా ప్రతిపాదిత ఆన్‌లైన్ డిగ్రీ కోర్సుల్లో ప్రవేశాలు కల్పించే అంశంపై చర్చ జరుగుతోంది. యూనివర్సిటీల విధులు.. ఆన్‌లైన్ డిగ్రీ కోర్సులను అందించే యూనివర్సిటీలు తప్పనిసరిగా కొన్ని నిబంధనలు పాటించాల్సి ఉంటుంది. ప్రతి ప్రోగ్రామ్, కోర్సుకు సంబంధించి.. ఆన్‌లైన్ లెక్చర్స్, ట్యుటోరియల్స్, డిస్కషన్ ఫోరమ్ (ఆన్‌లైన్ చాటింగ్) సదుపాయాలు కల్పించాలి. అంతేకాకుండా ప్రీ-లోడెడ్ లెక్చర్స్‌నూ అందుబాటులో ఉంచాలి. ఫలితంగా విద్యార్థులు ఎప్పుడైనా లైవ్ లెక్చర్స్‌కు హాజరు కాకుంటే.. వాటిని తర్వాత వినే అవకాశముంటుంది. ‘స్వయం’తో అనుసంధానం : ఆన్‌లైన్ డిగ్రీ కోర్సులను అందించే క్రమంలో యూనివర్సిటీలు ఆన్‌లైన్ ట్యుటోరియల్స్ కోసం విద్యార్థులు ‘స్వయం’ పోర్టల్‌లో కూడా రిజిస్టర్ చేసుకోవాలనే నిబంధన విధించనున్నట్లు తెలుస్తోంది. ఈ పోర్టల్ ద్వారా విన్న లెక్చర్స్‌కు సంబంధించి నిర్వహించే పరీక్షల్లో ఉత్తీర్ణత సాధిస్తే వచ్చే క్రెడిట్స్‌ను కూడా డిగ్రీ మూల్యాంకనంలో కలిపే అవకాశముంది. ప్రతిపాదిత ఆన్‌లైన్ డిగ్రీ కోర్సులు-ముఖ్యాంశాలు పూర్తిగా ఆన్‌లైన్ విధానంలో ప్రవేశ, మూల్యాంకన ప్రక్రియ. సాంకేతిక, మెడికల్, ఇతర ప్రాక్టికల్ ఓరియెంటెడ్ ప్రోగ్రామ్‌ల్లో మినహా మిగిలిన వాటిలో ఆన్‌లైన్ డిగ్రీ ప్రవేశపెట్టే యోచన. ఫిబ్రవరి చివరి నాటికి విధివిధానాల ఖరారు. 2020 నాటికి ఉన్నత విద్యలో జీఈఆర్‌ను 30 శాతానికి పైగా చేర్చాలని లక్ష్యం. ఆన్‌లైన్ ఎడ్యుకేషన్.. Facts and Figures : ఇటీవల ఓ ప్రముఖ సంస్థ నిర్వహించిన సర్వే ప్రకారం ఆన్‌లైన్ కోర్సులు చేస్తున్న వారిలో 55 శాతం మంది ఉద్యోగులే. ఆన్‌లైన్ ఎడ్యుకే షన్‌లో ప్రపంచంలో రెండో పెద్ద దేశంగా భారత్. ఓ అధ్యయనం ప్రకారం భారత ఆన్‌లైన్ ఎడ్యుకేషన్ మార్కెట్ విలువ 2021 నాటికి 1.96 బిలియన్ డాలర్లకు చేరనున్నట్లు అంచనా. ఆన్‌లైన్ ఎడ్యుకేషన్ ప్రయోజనాలు: తరగతులకు ప్రత్యక్షంగా హాజరు కానవసరం లేదు. లైవ్ లెక్చర్స్, ట్యుటోరియల్స్ ఫలితంగా క్లాస్‌రూంలోనే చదువుతున్నామనే భావన. లైవ్ డిస్కషన్స్ ఫలితంగా ఆన్‌లైన్లోనే సందేహాలను నివృత్తి చేసుకునే అవకాశం. అంతకుముందు వినని క్లాస్‌లను ప్రీ-లోడెడ్ లెక్చర్స్ ద్వారా వినే అవకాశం ప్రతికూలతలు.. క్లాస్‌రూంలో ప్రత్యక్షంగా వినే లెక్చర్‌కు ఆన్‌లైన్ ట్యుటోరియల్‌కు మధ్య వ్యత్యాసం. లైవ్ లెక్చర్ సమయంలో సాంకేతిక సమస్యలు ఎదురైతే విద్యార్థులకు ఇబ్బందే. ప్రస్తుతం ప్రపంచ వ్యాప్తంగా అమలవుతున్న మూక్స్ సక్సెస్ రేట్ 40 శాతంలోపు ఉంది. ఇప్పటికీ కొన్ని గ్రామీణ ప్రాంతాల్లో అందుబాటులోకి రాని ఇంటర్నెట్ సదుపాయం.